LUMBRICUS

LUMBRICUS

an a, lubricitatie, an a lumbis, vermis intestinorum: cui origo ab excrementis nondum excretis, Gr. ἕλμινα. Dividit autem ἕλμινθας Aristot. Hist. Anim. l. 5. c. 19. in πλατείας. latas, ςτρογγύλας, rotundas et τρίτον γένος ἀςκαρίδας, tertium genus, ascarides. Sed omittit quartum genus in stomacho et intestino magno nascentium, ac serpenti similium, observante ibi Iul. Caes. Scalig. Nec modo ex cibi retrimentis, sed etiam potus reliquiis, nascuntur: Imo et ex urina, aceto, ac nive, uti docet Voss. de Orig. et Progr. Idol. l. 4. c. 67. quem vide etiam ibid. et c. 71. ubi de cibo et oculis eorum; c. 82. 86. 87. et 88. ubi de remediis inde aurium, oculorum, membrorumque dolori, vulneribus item, varia.